‘Escoito Eliela e acontéceme como cando descubro nuns ollos as miradas de moitas persoas que amo. Teñen, a música, a voz, as letras, un enorme poder de evocación que me leva como unha barca á deriva dunha emoción a outra. Éme tan familiar a música e tan descoñecida ó mesmo tempo, que me conmove e me pon alerta, atenta a unha nota inesperada, a unha cadencia da voz. Nunca sei onde me van levar porque a viaxe é distinta en cada canción, mesmo cada vez que as escoito pode acontecerme unha emoción inesperada, unha rabuñadura na boca do estómago, unha gran paz ou unhas inesperadas ganas de bailar.’

Anxos Sumai, escritora.